သံလွင်ပျို

Thursday, October 22, 2009
တောတောင်လျှိုမြောင်
ရစ်ပတ်ခွေဆင်း
တံခွန်ရေစီးသို့
ဒေါမာန်ဟုန် အခါတစ်လှည့်နဲ့
မာယာရှင် မိန်းမငယ်တစ်ဦးလို
သိမ်မွေ့ဟန် မြူကာချော့ကာဖြင့်
ခံယူချက် ပြင်းပြသူ
နယ်မြေကြမ်းလမ်း၌
မြူကြားဝယ် ပြုံးပြုံး
ယမ်းခိုးဝေ လမ်းခရီးမှာ
ဟန်လဲမပျက်
မာန်နဲ့ဆက်လို့
မုတ္တမဆုံ မြစ်သုံးသွယ်ဝယ်
သံလွင်ပျို အဆုံးသတ်တယ်
ဘာကျန်ခဲ့လေး.....

ယနေ့မှသည်.........

Friday, October 2, 2009
ပန်းကဗျာ ရင်မှာပွင့်ပြီမို့
မိုးထက်ယံ လေဟုန်အနှော့မှာ
ငှက်မောင်နှံ တေးသီကျူးပါလို့
မုန်တိုင်းငယ် ထန်ပါလေ့စေတော့
မိုးကြိုးသွယ် ကြုံလာခဲ့စေဦး
တွဲလက်ကယ် မဖြုတ်တမ်းရယ်နဲ့
ယနေ့မှသည် နှစ်တစ်ရာတိုင်လေအောင်
ရေပြင် ဝေဟင် မြေပြင်ထက်အနှံ့မှာ
ငှက်မောင်နှံ သစ္စာစကားသံများ
ပျံ့လွှင့်ကာ ထင်ကျန်ရစ်စေသား......