စိုင်းစိုင်းလားရှိုး ( ရှင်ရဲထွတ် )

ဘာကြောင့်လည်း ဘာအတွက်လည်း ဘယ်သူလည်း

Friday, April 16, 2010 Posted by စိုင်းစိုင်းလားရှိုး at 7:49 PM

သင်္ကြန်နှင့်ပိတောက်သည် အတူတူ လက်တွဲကာ နေလာခဲ့သည်မှာ ကြလှပြီ။ အုန်းမောင်းခေါက်လျှင် အာရုဏ်တောက်တယ် ၊ ပိ တောက်ပွင့်လျှင် သင်္ကြန်ရောက်ရတယ်။ ပထမ မြန်မာနိုင်ငံတော် တည်ခဲ့တဲ့ ရှင်နော်ရထာ ခေတ်က စတယ်ဆိုတဲ့ ရေပက်ကစားတဲ့ အ တာ သင်္ကြန်၊ ရှိရင်းစွဲ အရွယ်နဲ့ သက်ဆိုင်တဲ့ အမှုကို မြန်မာ ပြည်သူပြည်သားဖြစ်တဲ့ တိုင်းရင်းသား အပေါင်း အားလုံးက လိုက်ဖက်တဲ့ အမှုနဲ့ လိုက်ဖက်တဲ့ အရွယ် ပြုမူဆောင်ရွက်ကြတယ်။

ဖိုးဖွားတွေက ဥပုဒ်သီလ ယူကြတယ်။ ဖေပျို မေပျိုတွေက လှူဒါန်းခြင်းအမှုကို ပြုကြတယ်။ သားငယ်မယ်ပျိုတွေက ရေပက်ကစား ခြင်း အမှုကို ပြုကြတယ်။ အခုလက်ရှိ သက်ရှိထင်ရှား နေကြတဲ့ မြန်မာပြည်သား မှန်ရင် သူ့အရွယ်နဲ့သူ သင်္ကြန်တန်ခူးကို ဖြတ်သန်းခဲ့ ဖူးတဲ့ သူတွေကြီးပဲ။ ဒီတော့ကာ အားလုံးဟာ သင်္ကြန်အနှစ် သင်္ကြန်အဖြစ်ကို ချစ်ခင်မှာပဲ ပျော်ရွှင်မှာပဲ။

သင်္ကြန်ဆိုတာကို ပိုရင်ခုန်တာက တက်သစ်စ လူငယ်လေးတွေပဲ။ သူတို့လေးတွေဟာ အနာဂတ် အရမ်းလှကြတယ်။ အရာရာကို စူးစမ်းတယ် ရှာဖွေတယ်။ ပျော်ရွှင်တယ် တက်ကြွတယ်။ နုငယ်တယ် အားမာန်ပြည့်တယ်။ သူတို့တွေဟာ နှောင်တစ်ချိန်မှာ ပြည်နယ်နဲ့ တိုင်းကို ကာလာခြယ်မယ့် ရွှေလက်ရာလေးတွေပါ။

သူတို့လေးတွေဟာ လွတ်လပ်ပျော်ရွှင်ခြင်း ဆိုတဲ့ စည်းဝိုင်းထဲကနေ အတာကျမှာကို မျှော်ဦးနေကြတယ်။ ဧပရယ်ကို မတ်ခ်ျ မှာက တည်းက ရင်ခုန်နေတယ်။ ပိတောက်ကို တက်ချိုးချင်တဲ့မောင်ရင်တွေရယ် ပိတောက်ကို ပန်ဆင်ချင်တဲ့ မေပျိုတွေရယ်။ သူ့ရသနဲ့သူ အားမာန်တွေနဲ့ ချိုမြိန်နေကြတယ်။ သူတို့တွေဟာ ဂဏန်းပေါင်းစက်လည်း မသိဘူး။ ထိုင်ခုံလည်း မရှိဘူး။ လွတ်လပ်တယ် ပေါ့ပါးတယ်။

သံစဉ်တွေ မြူးတယ်။ သူတို့လေးတွေလည်း မြူးတယ်။ အသက်ကြီးသွားတဲ့ လူတွေလည်း မြူးခဲ့ဖူးတယ်။ ကန်တော်ကြီးမှာလည်း မြူးနေတယ်။ X2O လည်း မြူးနေတယ်။ ပြောင်းပြန်ဖြစ်ခဲ့တယ်။ ပြန်ပြောင်းလို့လည်း မရတော့ဘူး။ ရက်စွဲကတော့ 15 ရက် ဆည်းဆာ တောင် မရောက်တတ်သေးဘူး။ ပျော်သူတွေ ငိုခဲ့တယ်။ နောက်ဆက်တွဲမှာလည်း ငိုနေကြတယ်။ ပိတောက်အိုတွေလည်း ငိုနေကြတယ်။ ပိတောက်ပျိုတွေလည်း ငိုနေကြတယ်။

မြန်မာနိုင်ငံသား ကြီးငယ်မဟူ ရင်ခုန်သံတွေ ထပ်တူကြတဲ့ သင်္ကြန်ရက်မြတ်ပါ။ ရင်ခုန်သံတွေ ထပ်တူကြတဲ့ ဆွေမျိုးဥာဏတွေကြီးပဲ။အတွေးတစ်ခုနဲ့ မေးခွန်းတစ်ခုကို တွေးကြည့်တယ် မေးကြည့်တယ်။ ဘာကြောင့်လည်း ဘာအတွက်လည်း ? ဘ၀ခြားခဲ့တဲ့ သူတွေလည်းသိချင်နေမှာပဲ။ ဘာကြောင့်လည်း ဘာအတွက်လည်း ဘယ်သူလည်း ဆိုတာကို...........

သြော်... သင်္ကြန် သင်္ကြန်

Wednesday, April 14, 2010 Posted by စိုင်းစိုင်းလားရှိုး at 7:56 AM

လေတွေငြိမ်နေသည်။ ကျောင်းဝင်းအတွင်းရှိ ပိတောက်ပင်အိုကြီးပင် တုတ်တုတ်မျှ မလှုပ်။ ပိတောက်ပန်းတွေလည်း တည်ငြိမ်လွန်းလှသည်။ပတ်ဝန်းကျင်ရှိ အရာရာအားလုံးကပင် တည်ငြိမ်အေးဆေးစွာ ရှိနေကြလေသည်။ အရာရာအားလုံး တည်ငြိမ်နေသလောက် ကျောင်းဝင်း အတွင်းရှိ စင်္ကြန်လမ်းတွင် စင်္ကြန်လျှောက်နေသော ဆရာလေး ဥာဏစာရီ တစ်ဦးတွင်မူ အပြင်ပန်း တည်ငြိမ်နေသယောင် စိတ်အလျဉ်တွင် ကား အဝေးမှ ခပ်သဲ့သဲ့ ကြားနေရသော တူးပို့သံနှင့်အတူ စိတ်အစဉ်မှာ ဖမ်းဆုပ်ရ ခက်ခဲနေဟန်ရှိလေသည်။

စင်္ကြန်လျှောက်နေရင်း ဆရာလေး ခြေလှမ်းများ တုံ့ခနဲ ရပ်တန့်သွားလေသည်။ သူ၏ စိတ်အစဉ်အား ကျန်ခဲ့သော အရင်နှစ် သင်္ကြန်ဆီ သို့ လွတ်လိုက်ပြီထင့်။ .........................

ကောင်မလေး ကိုယ်လုံးပေါ်မှန်ရှေ့တွင် ပြင်ပြီးသား အလှအား ကြည့်မ၀နိုင်သယောင် ဘယ်ညာ၊ရှေ့နောက်၊ အပေါ်အောက် ထပ်ခါထပ်ခါ ကြည့်နေသည်။ ပြုံး၍ကြည့်လိုက်၊ မဲ့၍ကြည့်လိုက် ခဏခဏကြည့်နေသည်။ ဟုတ်တော့ ဟုတ်ပါသည်။ ကောင်မလေး ဒီနှစ် ဆယ်တန်း ဖြေပြီး နောက်ပိုင်း တော်တော်လေးကို လှလာသည်။ ယခုပင် ကြည့်ပါဦး ၀တ်ထားသော ဂျင်းဘောင်းဘီ ကွာတား၊ တီရှပ်အ၀ါ လက်တိုနှင့် မတိုမရှည် ဆံပင်အား ကျစ်ဆံမြီး နှစ်ဖက်ခွ ကျစ်၍ နုငယ်သော အလှနှင့် ၀င်းဖန့်ဖန့် အသားအရေတို့မှာ ပွင့်ခါနီးပန်း အဖူးအငုံ ဘ၀ကို စွန့်လွတ်တော့မည့် ပန်းအလှနှယ် ရှိနေတော့သည်။

နောက်ဆုံးအကြည့်ကို မှန်ထက်ဆီသို့ ပို့လိုက်ရင်း ရေဖလားလေးကို လက်မှ ကိုင်ကာ အိမ်အောက်ဆီသို့ အပြေးတစ်ပိုင်း ဆင်းလာ တော့သည်။ တိုက်အောက်ရှိ ရေကစား မဏ္ဍပ်အသေးစား၌ တူးပို့တူးပို့ သီချင်းသံကပင် သူမ၏ ဟန်ပန်အား ပို၍မြူးကြွ စေလေတော့ သည်။

ကောင်မလေး သူ့အုပ်စုနှင့် ရေကစားရန် အကိုများမှ ဆောက်လုပ်ပေးထားသော အုန်းလက် ရေကစားမဏ္ဍပ်သေးသေးလေးတွင် သူ့အပေါင်းအဖေါ် လူကြီးမဟုတ်၊ ကလေးမဟုတ်သော ကောင်လေး၊ ကောင်မလေးများနှင့် မျောက်မူးလဲ အရွယ် ချာတိတ်များပင် စုံလင်စွာ ရေကစားရန် ရောက်ရှိနေကြလေပြီ။

.ဟာ.......... ပက်ကြလေ၊ လောင်းပါတော့လား၊ ဟိုမှာလည်း လာနေပြီ မလွတ်စေနဲ့ဟေ့.... အုပ်စုကို သူကိုယ်တိုင်အော် သူကိုယ်တိုင် ရေဖလားနှင့် ပြေးပြေးလောင်းနေတော့သည်။ ဟာ..... ဟေ့ကောင်တွေ မြန်မြန်ပက်ကြဟေ့........ ခွက်စုက်လေးနဲ့ ရေပက်တယ် စိတ်မ ဆိုးပါနဲ့ ဦးဦးရယ်...... ဟေဟေး...... ကလေးဗိုလ် ကောင်မလေး အရမ်းပင် ပျော်ရွှင်နေပုံရသည်။ မဏ္ဍပ်အတွင်းပိုင်း စည်ပိုင်း ပြက်၏ နောက်ကွယ်တွင် လက်နက်ပုန်း ဒန်အိုးမဲ တစ်လုံးရှိနေသေးသည်။

ရွယ်တူနှင့် ကလေးများကို ရေလောင်းလိုက် အိုးမဲသုတ်လိုက်နှင့် ပွဲက တော်တော်စည်နေလေပြီ။ ထိုခဏ မဏ္ဍပ်ဘေးရှိ အုတ်ခုံလေး၌ လူရွယ်တစ်ဦး ၄င်းတို့အုပ်စုအား ကြည့်နေရင်း အပျော်ကူးစက်သည်ထင်အံ့ ပြုံးပြုံးလေးနှင့်ပင် ထိုင်ကာ ကြည့်နေတော့သည်။ မကြာမှီ သူသည် ကံဆိုးမိုးမှောင်ကျမည်ကို မသိထင်ပါ့ ။

ကောင်မလေး ဘယ်လက်၌ ရေဖလား၊ ညာလက်တွင် အိုးမဲ မဏ္ဍပ်နောက်မှပတ်၍ ထိုလူ့ဆီလာနေသည်ကို ထိုလူသည် လုံးဝ သတိမ ထားမိပေ။ ကောင်မလေး လက်က မြန်ပါ့ ဘယ်လက်မှ ရေအလောင်း ညာလက်မှ အိုးမဲ အသုတ် ကွတ်တိပင် ကျလေတော့သည်။ တစ်ပြိုင်နက် ကောင်မလေး ဗျူဟာကျကျ ခွာစစ်က မြန်လှသည်။ ထိုသူသည် မအီမသာ မျက်နှာဖြင့်ကျန်ရစ်ခဲ့တော့သည်။

တခဏ ကောင်မလေးသည် ဖြစ်ပြီးခဲ့သော ကိစ္စအား မေ့ပျောက်သွားပြီထင်ပါ့။ လမ်းသွားသူများအား အုပ်စုလိုက် ရေလောင်းခြင်း အမှု ကို ပျော်ရွှင်စွာ အော်ဟစ်ကာ ကစားနေတော့သည်။ ရေပက်လိုက် အနောက်ဖက်ရှိ အိုးမဲ ပြေးယူလိုက်ဖြင့် ခုန်ပေါက်နေလေတော့ သည်။ ကောင်မလေး မကြာမှီ သူမ ကံဆိုးမိုးမှောင်ကျမည်ကို ကြိုတင်၍ မသိခဲ့ရှာပေ။

တစ်ချက် ကောင်မလေး အိုးမဲ လာအယူ ထိုသူသည် အသင့်စောင့်နေသည်။ ကောင်မလေး မှင်သက်သွားသည်။ ထိုသူသည်လည်း မြန်ဆန်လွန်းလှသည်။ မင်းလားကွ စောစောက ငါ့ကို အိုးမဲသုတ်တာ ပါးစပ်ကလည်း အပြော၊ လူကလည်း ကောင်မလေး ပါးပြင် ဖောင်းဖောင်းလေးကို နမ်းမိရက်သား ဖြစ်နေတော့သည်။ ကောင်မလေး အံ့သြသွားသည်။ နောက် မျက်နှာလေး နီရောင်ပြေးလေသည်။ နောက် ဟာကွာ... ဟု ညည်းလေသည်။ နောက် ကောင်မလေး ရှက်ပြုံးလေးဖြင့် ထွက်ပြေးသွားလေသည်။

ဆရာလေး ဥာဏစာရီ မိမိပါးပြင်အား ကိုင်၍ ပြုံးနေလေသည်။ ဟဲ့ဆရာလေး မတ်တတ်ကြီး ပြုံးနေပါလား သတိကပ်စမ်း ... ဖွားသီလ ရှင် သတိပေးမှ သတိပြန်ရကာ ဆရာလေး ဥာဏစာရီ တစ်ဦး ခပ်ပြုံးပြုံးနှင့်ပင် လက်တွင်းမှ စိပ်ပုတီးအား ချောက်ဂျက် ချေက်ဂျက်ဖြင့် ပုတီး တစ်လုံးကျ မုန့်လုံးရေပေါ် တစ်လုံးရ အမှတ်ဖြင့် ထိုနေရာမှ ထွက်ခွာသွားလေသည်။ သြော်...... သင်္ကြန်.... သင်္ကြန်.....

အလွမ်းပန်း

Saturday, April 10, 2010 Posted by စိုင်းစိုင်းလားရှိုး at 8:01 AM

အတာက ကူးပြန်လေပြီ။ ပြီးခဲ့တဲ့ တန်ခူးလဟာ အငွေ့တောင် မသေတတ်သေးတဲ့ အရိပ်အယောင်နဲ့ နွေးရှရှ ရှိနေတုန်းလေ။မပြောင်းလဲတတ်တဲ့ သဘောနဲ့ အိုက်စပ်စပ် ရာသီကို မိုးရိပ်တွေ ဆင်ပြီး တိုက်ခတ်လာတဲ့ လေနုအေးလေးက ခဏသာ ရင်ကို အေးမြစေခဲ့ တာတော့ အမှန်ပဲ။

ဒါပေမယ့် အတိတ်ဆိုတာ တစ်ကယ်ဖြစ်ခဲ့တာလေ။ အများနဲ့ သက်ဆိုင်တဲ့ ပိတောက် အချိန်မှန်စွာနဲ့ သူဟာသူ ပွင့်တာပါ။ ဒါကို အတ္တကြီးစွာနဲ့ ငါဟာ မပွင့်ပါနဲ့ မပွင့်ပါနဲ့လို့ တားဆီးချင်ပေမယ့် မိုက်ရူးရဲတဲ့ အတွေးကို ငါမောင်းထုတ်ခဲ့ရတယ်။ တစ်ကယ်ဆိုရင် အတာကူး တဲ့ လတန်ခူးနဲ့ ရေပက်ကစားကြတဲ့ သင်္ကြန်၊ ပိတောက်ပွင့်တဲ့ ရက်အပိုင်းအခြား တစ်ထပ်ထဲ ကျခဲ့တာ ခုမှ မဟုတ်တာ။ သူ့ရပ်တည်မှုနဲ့သူ နေလာခဲ့တာ ကြာပြီလေ။ တစ်ကယ်တမ်း ရပ်တည်မှု မှားခဲ့တာ ငါပါ။

ဒီလို ရက်ပိုင်းမှာ တွေ့ကြတဲ့ တွေ့ဆုံမှုဆိုတာ မိုးပြေးလေး တစ်ချက်လို ခဏတာပဲ ဆုံတွေ့ရမယ့် ဆုံမှတ်ဆိုတာကို ငါသတိမ ထားမိခဲ့ဘူး။ အမြဲတမ်းရမယ့် ပျော်ရွှင်မှုလို့ ထင်မှတ် စွဲလမ်းခဲ့ရတယ်။ ပိတောက်ကိုလည်း ပုံစံ အမျိုးမျိုးနဲ့ စာဖွဲ့ခဲ့တယ်။ ရေစိုသင်္ကြန်ကို လည်း စာတစ်တန် ပေတစ်တန် သီကုံးခဲ့ဖူးတယ်။ ခုတော့လည်း နွမ်းခဲ့ဖူးတဲ့ ပန်းပိတောက်ဟာ နောက်တစ်ခါ ပြန်လို့ပွင့်လန်းတော့မယ် ဒါပေမယ့် ... ဒဏ်ရာဒဏ်ချက်နဲ့ ရင်ဘတ် တစ်ခုက ပွင့်လန်းတော့မယ့် ပိတောက်ပန်း အသစ်ကို နာမ်စား အသစ်တစ်ခုနဲ့.....

ဟောင်းလို့ နွမ်းခဲ့တဲ့
ပိတောက်ပန်း
မိုးပြေးလေး တစ်ချက်နမ်းရုံနဲ့
ပြန်လို့ လန်းဆန်းလာခဲ့ပြီ

ရနံ့အသစ်ဆိုပေမယ့်
ခုပွင့်တဲ့ ပန်းတစ်ပွင့်က
ဒဏ်ရာမကျက်သေးတဲ့
ရင်ဘတ်တစ်စုံကနေ

ပိတောက်ဆိုတဲ့ ပန်းကို နာမ်စားပြောင်းပေးလို့ ရခဲ့ရင် အလွမ်းပန်းလို့ ငါပေးခဲ့ပါရစေ။

ဆန်ပြုတ် တစ်ခွက်

Tuesday, April 6, 2010 Posted by စိုင်းစိုင်းလားရှိုး at 11:03 PM

အား........ ညကလည်း အရမ်းအေးတာပဲ။ မှောင်လိုက်တာလည်း အရမ်းပဲ အပြင်မှာဆို တော်တော်အေးမှာ။ ခုတောင် စာကျက်နေတာ စားပွဲ အ၀ိုင်းနဲ့ မောင်နှမ သုံးယောက် ကိုယ်စီ အနွေးထည် မနိုင်လို့ စောင်ပတ်ပြီး စာကျက်နေရတယ်။ အငယ်သုံးယောက်တော့ အိပ်နေပြီ။ ဖေဖေနဲ့ မေမေက တဲအိမ်လေးရဲ့ အလယ်မှာ မီးဖိုရင်း စကားပြောနေကြတယ်။

ထရံကာဆိုတော့ တိုးဝင်လာတဲ့ လေကလည်း အေးလိုက်တာနော်။ ထွန်းထားတဲ့ ဖယောင်းတိုင်မီးက ယဲ့ယဲ့။ စာကျက်ပျင်းတဲ့ ကျနော် ဂေါက် ခနဲ လက်သံပြောင်တဲ့ အမ အိပ်ချင်ပေမယ့် ကကြီးကို ယပလက်လို ကျိတ်ဆိုနေရတယ်။ ဟိုမှာလေ အမေတို့ မီးဖိုတဲ့နေရာ ပြေး သွားချင် လိုက်တာ ချမ်းလို့ပေါ့။ အမကိုလည်း ကြောက်တယ် မသွားရဲဘူး။

ခဏနေတော့ ဖေဖေက အလုပ်ရှုပ်နေတာ ကျနော် တော်တော်လေး ပျော်သွားတာလေ။ သိတာပေါ့ ဖေဖေ ဘာလုပ်နေလည်းဆိုတာ ....
ညနေက ကျန်တဲ့ ထမင်းကြမ်းနဲ့ ဟင်းကို ရောသမ မွှေနေပြီဆိုတာ။ အေးကလည်းအေး ငိုက်ကလည်း ငိုက် စာကျက်ပျင်းတဲ့ ကျနော် ဖေဖေ လုပ်နေတာကို ကျိတ်ပြီး သဘောကျနေတာ ခေါ်သံလေးကို စောင့်နေမိတယ် မျက်လုံးတောင် ပြူးလာသလားပဲ။

ခဏနေတော့ တဲအိမ်လေးဟာ ဆန်ပြုတ်နံ့ သင်းနေပြီ။ အိပ်ပျော်နေတဲ့ အငယ်ကောင်က ချမ်းလို့လား မသိဘူး အီသံပေးနေပြီ အမေက ထချော့ရော။ အလတ်မက မျက်လုံးပွတ်ပြီး ကုတင်ပေါ်ကနေ ဆင်းလာတယ် မမြင်မကန်းနဲ့လေ ဆန်ပြုတ်ရပြီလားတဲ့ ချော်လဲသေး တယ်။ နို့ညှာက မနှိုးသေး သူက အိပ်ပုတ်ကြီးတယ်။

ဒေါင် ဒေါင် ဒေါင် ဒေါင် ဒေါင် ဒေါင် ဒေါင် ဒေါင် ..... ဟော မီးကင်းက သံချောင်း ရှစ်ခါမြည်တယ်ဗျ ... ဖေဖေလည်း ဆန်ပြုတ် ရှစ်ခွက် ထည့်ပြီးသွားပြီ။ ချမ်းကလည်းချမ်း မီးဖိုနားလည်း သွားချင်ပြီ။ ဖေဖေက မနှိုးသေးတဲ့ နို့ညှာကို ပွေ့ခေါ်လာပြီး လာဟေ့ ဆန်ပြုတ် ရပြီတဲ့။

ဟာ........ အဲ့တုန်းက အပျော် ခု ဘယ်မှာ ရမှာလည်း ? ဆောင်းတွင်းအခါ သမယ ရှမ်းမြေမြင့်က မိသားစု ဖြစ်ခဲ့ဖူးရင်၊ အခြေအနေခြင်း တူခဲ့ဖူးရင် ဆန်ပြုတ် တစ်ခွက်ရဲ့ ရသ ???

ရေနဲ့မီး

Sunday, April 4, 2010 Posted by စိုင်းစိုင်းလားရှိုး at 3:03 PM

မီးနဲ့ရေ
ရေနဲ့မီး
အလှည့်ကျတာလား
နွဲ့ကြတာလား
နင်ရှိရင် ငါမနေ
ငါနေရင် နင်မရှိ
စိတ်ကောက်တတ်တဲ့ ပုံစံနဲ့
သင်္ကြန်ရက်တွင်းမှာ
ငါ့အိမ်ပေါ်မှာ ရေမရှိ

ဆိုခဲ့ရင်

Wednesday, March 17, 2010 Posted by စိုင်းစိုင်းလားရှိုး at 2:13 AM

အမေ....

အမေ မှတ်မိလား.... မီးလောင်ပြင် လူမနေနိုင်သေးတဲ့ မိသားစုပိုင် နေရာလေးမှာ၊ နားခိုရာ သားတို့ အရိပ်မဲ့နေတုန်း... မရှိမဲ့ ရှိမဲ့ ဖေဖေနဲ့ မေမေရဲ့ အားအင်နဲ့ မီးလောင်ပြင် လူမနေသေးတဲ့ မြေဟောင်းလေးမှာ တဲလေးထိုးပြီး နေခဲ့ကြတာ.............

မေမေ မှတ်မိသေးလား... ဖြစ်စဉ်တူ ဘေးအိမ်က လူနဲ့ အစ်ကိုကြီး လက်သီးထိုးခဲ့တာ ............. ဒီအစ်ကိုဟာ သားတို့အတွက် မဟာတံတိုင်းလေ..........

မေမေ မှတ်မိသေးလား သား သုံးတန်းနှစ်က နွမ်းပါးတဲ့ မေမေ့ဆီမှာ မုန့်ဖိုးတောင်းတာလေ ........

သားမှမသိတာ မေမေရယ် မေမေ ခဲနဲ့ ပေါက်တာ သား..... အဲဒီနေ့က ကျောင်းတက်လို့မရတော့တာလေ..........

မေမေ မှတ်မိလား .... အဲဒီနေ့က မေမေ အိမ်ပြန် နောက်ကျတော့ သားရယ် အလတ်မရယ် အငယ်ဆုံးလေးရယ် မေမေ့ကို လာကြိုတာလေ ...... အလတ်မ ချော်လဲတာ .......... သူတော်တော် ငိုခဲ့တယ်......

မေမေ သိသေးလား အငယ်ကောင် အတွက် ခေါက်ဆွဲဆိုင်မှာလေ သူက နည်းနည်း သားက များများ စားခဲ့တာ ဆိုင်ရှင်တောင် အလကား ကျွေးခဲ့သေးတယ်လေ....

မေမေ သိလား........ နို့ညှာမလေးလေ သစ်ပင်ပေါ် တက်ပြီး သီချင်းဆိုခဲ့တာ သူပျောက်လို့ တော်တော် ရှာရသေးတာ.

မေမေ သိလား အငယ်ကောင် လမ်းလျှောက်တတ်ခါစ ရေကူးကန်ထဲ လျှောက်ဝင်တာလေ...

မေမေ သားပဲမေးနေတာ....... မေမေ သားကို တစ်ခွန်း ပြန်မေးပါလား..........

သား မေမေလေ............. ဆိုခဲ့ရင်............

အမေရယ် သားတို့တွေ ကြိုတင်ပြီးမှ ဇါတ်ညွှန်းမှ ဖတ်မလာခဲ့တာ......

နင့်အတွက်

Sunday, February 14, 2010 Posted by စိုင်းစိုင်းလားရှိုး at 8:35 AM

( ၁၄ ) ရက်နေ့တဲ့ ချစ်သူရေ
စောင့်လိုက်ကြ၊ မျှော်လိုက်ကြနဲ့
ရင်ခုန်စရာ ရက်စွဲအနေနဲ့ပေါ့
သူတို့တွေအတွက် ချစ်သူများနေ့လေ

( ၁၄ ) ရက်နေ့တဲ့ ချစ်သူရေ
ငါကတော့ မျှော်စရာ မလိုဘူး၊ စောင့်စရာမလိုဘူး
ရင်ခုန်သံတွေက အမြဲချိုမြိန်လို့
နေ့ရက်တိုင်းဟာ ငါတို့ နှစ်ယောက်အတွက်

ချစ်သူများနေ့လေ

နေမင်းတန်ဆောင် လင်းရောင်တက်ပြီ

Friday, February 12, 2010 Posted by စိုင်းစိုင်းလားရှိုး at 11:57 PM

ဘမျိုးဘိုးတူ ၊ ဆင်းသက်လာဘိ
မင်းရောင်ဖိုးဖိုး ၊ သွေးဆက်ဖုံးလို့
သက်သွေးမချန် ၊ ပေးဆပ်ကာတည့်
မျိုးရိုးဇာနည် ၊ ဘာမထီကား

ငါ့မြေငါ့ရေ ၊ ငါ့ပြည်သူများ
လွတ်လပ်တစ်ဖုံ ၊ သာယာစုံဖို့
ကွယ်ဝှက်တစ်ခါ ၊ တည့်တိုးတစ်လှည့်

ရင်ဆိုင်ခဲ့၏ ၊ နယ်ချဲ့ရန်သူ
ကုလားဖြူတို့ ၊ နေမ၀င်ခြင်း
ပြိုပျက်ဆင်းအောင် ၊ ရောင်ရှိန်ထည်ဝါ

သူရကန်စက် ၊ ရှင်နေမင်းမှတ်
ထွက်ပေါ်လာချိမ့် ၊ ရက်မြတ် (၁၃)
ခြိမ့်ခြိမ့်အုံးအုံး ၊ နေမင်းတန်ဆောင်
လင်းရောင်တက်ပြီ။

ဖေဖ၀ါရီလ (၁၃) ရက်နေ့တွင် ကျရောက်သော ဗိုလ်ချူပ်မွေးနေ့အား ဂုဏ်ပြုအပ်ပါသည်။

အရောင်မှိန်နေသော ကြယ် ( ၁၄ ) ပွင့်

Posted by စိုင်းစိုင်းလားရှိုး at 6:09 AM

၁၄ ရက်နေ့ကို ၊ စိတ်ဝယ်မှန်းလို့
ချောကလက်နဲ့ ၊ ချစ်စရာကတ်
စိတ်ကူးနေတယ် ၊ ချစ်ခြင်းသင်္ကေတတဲ့။

အနာဂတ်ဗိမ္ဗာန် ၊ ဗိသုကာဖန်ဆင်း
ငြိမ်းချမ်းရေးဖခင် ၊ ဖွားမြင်ခဲ့တဲ့
၁၃ ရက်နေ့ကို ၊ မေ့နေကြတယ်။

ညီနောင်တွေစုစည်း ၊ ချစ်ခြင်းရဲ့အနှစ်
သွေးစည်းခဲ့ပြည်ထောင် ၊ အဓွန့်ရှည်အောင်တဲ့
၁၂ ရက်နေ့ကို ၊ မေ့နေကြတယ်။

နတ်သမီးကဟန် ၊ တိုင်းမြန်ပြည်မှ
တောင်ပေါ်တောင်အောက် ၊ ဒိုးယိုပေါက်သို့

သွေးစည်းကပွဲ ၊ ခြိမ့်ခြိမ့်သဲလို့
ခြေချိုးလက်ချိုး ၊ ကကွက်တစ်မျိုး
မရိုးလေအောင် ၊ ဇါတ်ကဆောင်လို့

ကချေသည်ပေါင်း ၊ ( ၁၄ ) အားနဲ့
အမိမြန်ပြည် ၊ ကကွက်ညီအောင်
ရက်စွဲသတ်မှတ် ၊ ( ၁၂ ) ရက်ဟု

လမြတ်တပို့ ၊ ဤမှစလို့
ရောင်းရင်းညီကို ၊ မယ်ပျိုပျိုတို့
အမိပြည်ထောင် ၊ ဓွန့်တည်တန့်အောင်
ကြိုးစားပါစို့….လေ။

( ၆၃ ) ကြိမ်မြောက် ပြည်ထောင်စုနေ့အား ဂုဏ်ပြုအပ်ပါသည်။

ငယ်ငယ်က

Saturday, January 30, 2010 Posted by စိုင်းစိုင်းလားရှိုး at 8:32 PM

ကျွန်တော် ငယ်ငယ်က....

~~~~~~~~~~~~~~~~ စစ်တိုက်တမ်း ကစားခဲ့ဖူးတယ် ဒါပေမယ့် စစ်ဗိုလ် ဖြစ်မလာဘူး။
~~~~~~~~~~~~~~~~ ဖားကလေးဖမ်းပြီး ရင်ခွဲခဲ့ဖူးတယ် ဒါပေမယ့် ဆရာဝန်ကြီး ဖြစ်မလာဘူး။
~~~~~~~~~~~~~~~~ ဝေဖာချပ်လေးနဲ့ အိမ်ဆောက်ခဲ့ဖူးတယ် ဒါပေမယ့် အင်ဂျင်နီယာကြီး ဖြစ်မလာဘူး။
~~~~~~~~~~~~~~~~ ရန်ခဏခဏ ဖြစ်ခဲ့ဖူးတယ် ဒါပေမယ့် လက်ဝှေ့သမား ဖြစ်မလာဘူး။
~~~~~~~~~~~~~~~~ သူငယ်ချင်းတွေကို ပုံပြောကောင်းခဲ့ဖူးတယ် ဒါပေမယ့် နိုင်ငံရေးသမား ဖြစ်မလာဘူး။
~~~~~~~~~~~~~~~~ ခဲတံနဲ့ အရုပ်ဆွဲခဲ့ဖူးတယ် ဒါပေမယ့် ပန်းချီဆရာ ဖြစ်မလာဘူး။
~~~~~~~~~~~~~~~~ ကားခိုးမောင်းခဲ့ဖူးတယ် ဒီတစ်ခါတော့ ကားဆရာ လာဖြစ်နေတယ်။

ငယ်ငယ်က အတွေးတွေဟာလည်း အမှန်တရားပဲ။ ခုဖြစ်နေတာလည်း အမှန်တရားပဲ။ ခုတွေးနေတဲ့ အတွေးတွေ၊ လုပ်နေတဲ့ အလုပ်တွေဟာ ဆယ်စုနှစ် တစ်ခု နှောင်းပိုင်းမှာ ငယ်ငယ်က ဆိုပြီးတော့ ငါ စာပြန်ရေး နိုင်ဦးမှာလား။

မသာစရိတ်

Monday, January 25, 2010 Posted by စိုင်းစိုင်းလားရှိုး at 12:46 PM

မိတ်ဆွေ........

မောဟများတဲ့ လောကမှာ သင် လောဘတွေနဲ့ ခရီးဆက်ခဲ့တယ်နော်။

နင်းပြားဘ၀နဲ့ လောကကိုလည်း သင် ရင်ဆိုင်ခဲ့ ပြီးပြီနော်။

ရီခြင်း၊ငိုခြင်းတွေနဲ့ လောကကို အများနည်းတူ သင် မှတ်ကျောက်တွေ တင်ခဲ့တာပဲနော်။

သံသရာရဲ့ ထွက်ပေါက် တရားဓမ္မကိုလည်း သင် ရှာဖွေခဲ့ဖူးတယ်နော်။

လက်ကျန် ရက်စွဲတွေက နည်းပါးလာတော့ လောကကို သင် ကြောက်စပြုလာပြီနော်။

အသေမဦးခင် ဥာဏ်ဦးအောင် ဟောကြားခဲ့တဲ့ တရားကိုလည်း သင် နာကြားခဲ့ဖူးတယ်နော်။

ဥာဏ်ဦးခဲ့ရင် သံသရာမှာ သင် လမ်းပန်းသာမှာကိုလည်း သင် သိခဲ့တယ်နော်။

ဥာဏ်လည်းဦးပါရဲ့ အသေခရီးကို သင် မလျှောက်ရဲသေးတာကလည်း........?

မကြာတော့ရင် မသာကံစမ်းမဲ ပေါက်မှ အလောင်းလှမယ့် အဖြစ်ကို သင် ကြိုသိနေလို့များလား .......... ?

မသာတွေကများပြီ သယ်ယူသူတွေရဲ့ မနိုင်ဝန်ကို သင် သိနေလို့များလား.......?

အော်..... မိတ်ဆွေ အသေမဦးခင် ဥာဏ်ဦးအောင် ဆိုတာထက် မသာစရိတ် ပြည့်မှီအောင် သင် ရှာထားဖို့လည်း လိုတယ်နော့။

သင်ပိုင်အပ်သည်

Monday, January 18, 2010 Posted by စိုင်းစိုင်းလားရှိုး at 8:21 PM

ထားရာနေစေ
စေလိုရာသွား
မင်းခစားရယ်
ငါလေမဟုတ်

ထားရင်လည်းနေ
သတ်လိုရင်လည်း
သေစေအပြစ်
မကျူးသမို့

ထားရာနေခဲ့
စေရာရောက်သွား
မိန့်တော်ချမှတ်
သင်ပိုင်အပ်သည်

ငါ၏၀ိဥာဉ်
ငါ့စိတ်လျဉ်အား
သင်သာပိုင်စိုး
စိုးမိုးအပ်သည်

စေလိုကစေ
သတ်လိုကသတ်
သင်ပြုသမျှ
ငါကျေနပ်သည်

စာနာထောက်ထား
ငဲ့ပါငြားဟု
ငါလေမဆို
သင်ပြုနိုင်သည်

သို့ပေသော်ငြား
ပြုအပ်သမျှ
ကိစ္စရပ်တွင်
အပြုံးပန်းများ အသင် ပန်ဆင်နိုင်ပါစေလေ.............

မွှေးလွန်းသည့်ပန်း (သို့) MAI

Thursday, January 14, 2010 Posted by စိုင်းစိုင်းလားရှိုး at 9:35 AM

ဒီရက်ပိုင်းမှာ သတင်း တစ်ပုဒ်က အရမ်းမွှေးကြိုင်နေပါလား ? MAI လေကြောင်းလိုင်းက ၀န်ဆောင်မှုတွေ အရမ်းကောင်းနေတယ် ဆိုပဲ။ မနေ့က ဖော်ဝပ်မေးလ်ရောက်လာတော့ ဖတ်လိုက်တာ ကျွန်တော်တို့ ညီအကိုတော် ဒီစလုံးကနေ ခွင့်နဲ့ မြန်မာပြည် ပြန်တာလေ ( မြန်မာ အင်တာနေရှင်နယ် အဲယားဝေး ) လေယာဉ်ပျံ ကြီးနဲ့ပေါ့။

ဘာပဲပြောပြော အိမ်အပြန်လမ်းမှာ ဘယ်သူမဆို ပျော်တပြုံးပြုံး နဲ့နေမှာပေါ့။ လေယာဉ်ကြီးစီးပြီး၊ လေဆိပ်မှာစောင့်နေမယ့် မိသားစု ၀င် တွေ မြင်ယောင်ရင်း၊ လေယာဉ်မယ် ချောချောလေး ငမ်းရင်းနဲ့... ကဲ ဘယ်လောက်တောင် ပျော်ရွှင်ဖွယ် ကောင်းတဲ့ အိမ်ပြန်ခရီးလည်း ?

ပျော်ရွှင်ဖွယ် ခရီးစဉ်ကို စတင်ပြီး စိတ်အနှောင့်အယှက် ဖြစ်စေတာကတော့ ရန်ကုန်လေဆိပ် ရောက်တဲ့ အချိန်ပဲ။ လ၀က ဖြတ်မယ်။ ပြီးရင် ပစ္စည်းရွေးမယ်။ ဟိုမှန်တစ်ဘက်ခြမ်းက မိသားစုတွေက လက်တပြပြနဲ့ ကိုယ်တွေကလည်း အပြင် မြန်မြန် ရောက်ချင်နေပြီလေ။ ပြဿနာက ပစ္စည်းရွေးတဲ့ နေရာမှာ စတာပဲ။

ငါ့အိတ် ဘယ်မှာလည်း ? ငါ့အိတ် ဘယ်မှာလည်းနဲ့ ရှာနေတဲ့သူတွေ တော်တော်များတယ်။ ပစ္စည်းရွေးတဲ့နေရာမှာ လည်နေတဲ့ ရထား ကြီးက ခေါင်းမူးနေရောပေါ့။ အိတ်တွေက တော်တော် များများ ပါမလာကြဘူး။ အဲတာနဲ့ MAI ကောင်တာမှာ သွားမေးကြတော့ ပစ္စည်း တွေ စင်္ကာပူမှာ လေယာဉ် သယ်ဆောင်နိုင်တဲ့ အလေးချိန်ထက် ကျော်လွန်နေလို့ ချန်ထားခဲ့ရတာတဲ့ နောက်တစ်ပတ် သောကြာ လေ ယာဉ်နဲ့ ပါလာလိမ့်မယ်တဲ့။ အဲ့ဒီတော့မှာ လာရွေးကြပါတဲ့ ခင်ဗျး)

အဲဒီမှာ ကျွန်တော်တို့ ကိုယ်တော်က မန္တလေးထိ ပြန်ရမှာလေ ရန်ကုန်မှာ ဘယ်လို လုပ်စောင့်နေရမှာတုန်း ? ကိုယ်က မြန်မာပြည်ကို ခွင့်နဲ့ ပြန်လာတဲ့ ကာလဟာ အင်မတန် တန်ဖိုးရှိတဲ့ ကာလပါ။ ဘာမဟုတ်တဲ့ ကိစ္စနဲ့ စိတ်အနှောင့်အယှက် မဖြစ်ချင်လို့ ထင်ပါ့ ဆရာက မန္တလေး ပြန်သွားတာ။ ချိန်းထားတဲ့ ရက် ပြန်လာရွေးတော့ ဆရာသမားအိတ်က ပျောက်သွားပါပြီတဲ့ ခင်ဗျာ....

အဲမှာ ရုပ်လုံးကပေါ်တော့မယ် MAI ရုပ်လုံးပေါ့။ ဒီပစ္စည်း ပျောက်တဲ့ ပြဿနာကို လေကြောင်းလိုင်းက လျှော်ကြေး ပေးပါ့မယ်။ ( အိတ် တစ်လုံးကို အမေရိကန် ဒေါ်လာ 200 တဲ့ ခင်ဗျ ) ။ ပြီးတော့ MAI စာရွက်မှာ ဤ ဖြစ်ပြီး ကိစ္စသည် လေကြောင်းလိုင်း တာဝန် မဟုတ်ကြောင်း လက်မှတ် ရေးထိုးပေးရမယ်တဲ့ ခင်ဗျ။ ဒါဟာ ဘာလည်း စော်ကား တာ လား ? ပမာမခန့် လုပ်တာလား ? အထင်သေးတာလား ? အိတ်တစ်လုံးကို U$ 200 လို့ သတ်မှတ်ရအောင် အိတ်အတွင်းပါ ပစ္စည်းကို သူတို့တွေ သိကြလို့လား ? ပြန်လည် အစားထိုး မရနိုင်တဲ့ အရာမျိုးဆိုရင် လေကြောင်းလိုင်းက ဘယ်လို တာဝန်ယူပေးမှာလည်း ?

ဒီကိစ္စဟာ လေကြောင်းလိုင်းကို အားပေးတဲ့ ခရီးသည်ကို စော်ကားတာပဲ။ အိတ်တစ်လုံးကို U$ 200 တန်ဖိုး ဖြတ်တာကလည်း LEVI'S
တစ်ထည်တောင်မှ U$ 200 ကျော်တယ် ဆိုတာ သိထားစေချင်တယ်။ နိုင်ငံခြားပြန် တစ်ယောက် သယ်ယူသွားတဲ့ အိတ်တန်ဖိုးကို အကြမ်းအားဖြင့်တော့ ခန့်မှန်းနိုင်ကြမှာပါ။ ထားလိုက်ပါတော့ အသေးစိတ်တွေ ပြောမနေတော့ပါဘူး။

ဒါနဲ့ လေကြောင်းလိုင်းက လက်မှတ်ထိုးခိုင်းတော့ ဆရာက ဘယ်ထိုးပါ့မလည်း။ လူကိုများ တော်တော်အတယ် ထင်နေကြလား မသိဘူး လေကြောင်းလိုင်း ၀န်ထမ်းတွေက။ ဆရာသမားက ပြန်ပြောလိုက်ပါတယ် ခင်ဗျားတို့ တာဝန်ပျက်ကွက်မှု၊ ခင်ဗျားတို့ လုံခြုံ စိတ်ချမှု မရှိတဲ့ လေကြောင်း ၀န်ဆောင်မှု၊ တာဝန်ကိစ္စ အ၀၀တွေကို ဒီ U$ 200 နဲ့ ပါးစပ်ပိတ်မယ်။ လျှော်ကြေးပေးမယ်ပေါ့တဲ့။ ( ကြည့်စမ်းပါဦး ခရီးသည်တွေကို စော်ကားချက် )

ဆရာသမားကတော့ ခင်ဗျားတို့ ပေးတဲ့ ငွေလည်း မယူဘူး။ ပျောက်သွားတဲ့ ပစ္စည်းကိုလည်း ရေစက်ချလိုက်မယ်။ ပြီးတော့ ဒီကိစ္စ ကိုလည်း အများသိအောင်လည်း ဖွင့်ချရမယ် လို့ပြောပြီး စင်္ကာပူ ပြန်လာတာပေါ့။ ဟိုကလည်း အဲလို့ လုပ်မယ်ပြောတော့ နည်းနည်း တော့ ဖြုံသွားမယ် ထင်ပါ့ မလုပ်ပါနဲ့ ဘာညာ လိုက်တောင်းပန်ပေမယ့် ဆရာသမားက ရင်နာနေပြီ လှည့်ကို မကြည့်တော့ပါဘူး။ ကိစ္စတွေက ပြီးခဲ့ပြီလေ။
( အထက်ပါ အကြောင်း အရာနှင့် တွေ့ဆုံခဲ့သူသည် ယခု လက်ရှိ စင်္ကာပူတွင် နေထိုင်နေပါသည် )

ကျန်ပါသေးတယ်ဗျာ ... ကျွန်တော်တို့ လုပ်ငန်းခွင်တူ ညီအကို ပြန်စဉ်တုန်းကလည်း ရန်ကုန်တွင် ပစ္စည်းပါမလာ နောက်နေ့တွေမှ လေဆိပ်တွင် သွားရောက်ရွေးယူရပါသည်။ ခွင့်ပြည့်လို့ စင်္ကာပူ ပြန်လာသည့် ခရီးစဉ်တွင်လည်း ပစ္စည်းက ရန်ကုန်တွင် ကျန်ရစ်၊ နောက်နေ့တွင်မှ အိမ်လိပ်စာ အတိုင်း လာရောက်ပို့ပေးသည်။ အဲ ကွာတယ်နော် ရန်ကုန်မှာကျတော့ ကိုယ်တိုင်ရွေးယူ။ စင်္ကာပူ မှာကျတော့ အိမ်လိုက်ပို့တယ်။ စာဖတ်သူတွေ နည်းနည်းတွေး ကြည့်ကြနော် ဘာတွေကွာတာလည်းလို့ ?

နောက်တစ်ယောက်ကတော့ ကျွန်တော့် အရင်းနှီးဆုံးမိတ်ဆွေ ခွင့်နဲ့ ပြန်တာပါပဲ။ စင်္ကာပူ ပြန်မယ့်ရက်စွဲကို ကွန်ဖမ်း လှမ်းလုပ်တာ ဖုန်းနဲ့ ရန်ကုန်က MAI လေကြောင်းရုံးကိုပေါ့။ ဆက်ဆံရေး တော်တော် ပြေပြစ်တာပဲတဲ့။ နာမည်ပြော ဖုန်းနံပါတ်ပြော ဂွပ် တန်းချလိုက် တာပဲတဲ့ စကားပြောခွက်ကို။ တော်တော်လေးကို ယဉ်ကျေးတဲ့ ကောင်းမွန်တဲ့ ဆက်ဆံရေးပဲဗျ နော်.... ဘယ်လို လုပ်ပြီး အဆင့်မြင့် သယ်ယူပို့ဆောင်ရေး လေကြောင်းလိုင်းမှာ အလုပ်ရနေပါလိမ့်။ လမ်းဘေး ဈေးသည်လောက်တောင် ဆက်ဆံရေး မကောင်းပါလား။

အထက်ပါ အကြောင်းအရာတွေ ဖြစ်ပျက်ခဲ့တဲ့ သူတွေက ကျွန်တော်နဲ့ သိကျွမ်းတဲ့ သူတွေကြီးပါပဲ အသေးစိတ် ရက်စွဲ လေကြောင်း အမှတ်စဉ် သိချင်ရင် လည်း ရှိပါတယ်လို့။

ကဲအခု ကျွန်တော့် အမြင်ကို နည်းနည်းတော့ ရေးမယ်ဗျာ....
ကျွန်တော်တို့ ခရီးသည် တစ်ဦးမှာ သယ်ယူလို့ ရနိုင်တဲ့ အလေးချိန်၊ လေကြောင်းလိုင်းက ခွင့်ပြုတဲ့ အလေးချိန် အတိုင်းပဲ ကျွန်တော်တို့ သယ်ယူခွင့် ရှိတာနော်။ ဒါဆို ပစ္စည်းအလေးချိန် မနိုင်လို့ ကျန်ရစ်ခဲ့ရတယ်ဆိုတာ ဘာကြောင့်လည်း ? သေချာတာ တစ်ခုကတော့ သပြေနုနဲ့ ရဲရင့်ကပဲ လေကြောင်းလိုင်းကို အခက်အခဲ ဖြစ်စေတာ နေပါလိမ့်မယ်.။

ပြီးတော့ ကျန်ရစ်ခဲ့တဲ့ ပစ္စည်းတွေကို ရန်ကုန်အနေနဲ့က ကိုယ်တိုင် လေဆိပ် ဂိုဒေါင်မှာ သွားရောက် ထုတ်ယူရပြီး၊ စင်္ကာပူ နိုင်ငံမှာ ကြတော့ ဘာလို့ အိမ်တိုင်ယာယောက် လာပို့ပေးရတာလည်း ?

အဲဒီလို ပစ္စည်းတွေ ကျန်ရစ်ခဲ့မယ် ပျောက်ရှခဲ့မယ်ဆိုရင် လေကြောင်းလိုင်းကို အားပေးသူ ခရီးသည်တွေ အနေနဲ့ ရှေ့ဆက်ပြီး.... ရှေ့ဆက်ပြီး.......

လွတ် လပ် ရေး နေ့

Sunday, January 3, 2010 Posted by စိုင်းစိုင်းလားရှိုး at 8:45 PM

တစ်ထောင့်ကိုးရာ လေးဆယ့်ရှစ်
လေးရက် ဇန်န၀ါရီ လွတ်လပ်သည်။

ထိုချိန်ကစ တို့ဘ၀
ယခုထိတိုင် လွတ်....လပ် ပါ့။

ရှေ့ဆက်သွားမယ် တို့ဘ၀မယ်
ဒီတိုင်းဆိုရင် လွတ် ဦးမယ်။

ယူပေးသူက လွတ် စေဖို့
လုပ်ပေးသူက လပ် နေလို့။

အားလုံးပဲကွယ် မှတ်ထားကြ
ဇန်န၀ါရီ လေးရက်က
လွတ် လပ် ရေးနေ့ဗျ။

ဇရာအို တုတ်ကောက်

Friday, January 1, 2010 Posted by စိုင်းစိုင်းလားရှိုး at 5:35 PM

2009 ကုန်လွန်ခဲ့ပြီ
အဟောင်းတွေ ဆွေးမယ်ထင်သလား ?
အတိတ်တွေ ပျောက်မယ်ထင်သလား ?
မှားတဲ့လူလည်း မှားခဲ့ကြ...
မှန်တဲ့လူလည်း မှန်ခဲ့ကြ...
ဇရာအိုက တစ်နှစ်လှမ်းခဲ့ပြီ... ။

ပြီးပြည့်စုံတဲ့ ထမင်းဝိုင်း
ငိုကြွေးနေတဲ့ အသိုင်းအ၀ိုင်း
သူ့နေရာနဲ့သူ
2009 ကိုထားခဲ့ပြီ...။

သူငယ်ချင်း
မင်းရော ဘယ်လိုနေလည်း... ?
အမှားတွေ များလား ?
အမှန်တွေ များလား ?
အောင်မြင်ခဲ့လား ?
ရှုံးနိမ့်ခဲ့လား ?

သေချာတာ တစ်ခုက
2009 ကို နှုတ်ဆက်တာ
နင်အားမာန်တွေ ပါနေလိမ့်မယ်..။

နှစ်သစ်မှာ ငါဘယ်လိုနေမယ်
ဘာတွေဖြင့် လုပ်လိုက်မယ်
2008 နောက်ဆုံးအတွေးလိုပေါ့
2009 မှာ လုံးချာလည်လိုက်ပြီး

သူငယ်ချင်းရေ..
2010 မှာ .....
ဇရာအို တုတ်ကောက်
ခပ်ဖြောင့်ဖြောင့် လျှောက်လှမ်းနိုင်ပါစေ......