ကူညီပေးစေလို
Thursday, August 14, 2008
ဦးကျော်သူတို့ရဲ့ နာရေးကူညီမှုအသင်းဟာ နောက်နှစ် July ဆိုရင် သင်္ကန်းကျွန်း ဘုန်းကြီးကျောင်း ကနေဖယ်ပေးရတော့မယ်။ ဒဂုံမှာရှိတဲ့ နာရေးကူညီမှုပိုင် မြေနေရာမှာ ကားတွေထားဖို့၊ ရုံးလုပ်ငန်းတွေလုပ်ဖို့၊ သုခကုသိုလ်ဖြစ်ဆေးခန်းဖွင့်ဖို့၊ အသင်းရဲ့လုပ်ဆောင်မှုတွေကိုဆက်ပြီးလုပ်ဆောင်ဖို့အတွက် အဆောက်အဦး ဆောက်ဖို့လိုတယ်။ သူတို့ရဲ့အသင်းပိုင်ငွေမှာ စည်းမျည်းအရ နာရေးကူညီမှုအတွက်သုံးစွဲခွင့်ငွေဟာ လုံလောက်ပေမဲ့ ရုံးအသုံးစရိတ်အတွက်မလုံလောက်ဘူး ဖြစ်နေတယ်။ အသင်းပိုင်အဆောက်အဦး ကား စတာတွေကိုဆောက်လုပ်ဖို့၊ ၀ယ်ဖိုို့ကို နာရေးကူညီဖို့ဆိုပြီးလှူထားတဲ့ငွေထဲက သုံးခွင့်မရှိတဲ့စည်းမျဉ်းကြောင့်၊ အသင်းရဲ့ အထွေထွေရုံးသုံးစရိတ်အတွက် သီးသန့်အလှူငွေလိုနေပါတယ်။ အဆင်မပြေရင် သုခကုသိုလ်ဖြစ်ဆေးခန်းကို ပိတ်ရချေရှိနေတယ်။ ဆေးခန်းသာပိတ်ခဲ့ရရင် ဆင်းရဲသား၊ အခြေခံလူတန်းစားအများစုအတွက် နစ်နာမှုတွေ အများကြီးကြုံရမှာပါ။ မင်းလည်း မေတ္တာရှိမယ်ဆိုရင်တော့ နာရေးကူညီမှုအသင်းနဲ့ဆက်သွယ်ပြီး မင်းတတ်နိုင်သလောက်ကူညီပေးစေလိုပါတယ်။ ပြီးတော့ မင်းနဲ့နီးစပ်ရာ လှူဒါန်းကူညီလိုသူတွေကို ပြောပြပေးစေချင်ပါတယ်။ မင်းရဲ့ On Line သူငယ်ချင်းတွေကိုလည်း ဒီအကြောင်းလေးကို ဖြန့်ဝေပေးစေလိုပါတယ်။ သေကွဲကွဲခြင်းရဲ့ ပူလောင်မှုတွေကို တတ်နိုင်သမျှ စာနာကူညီပေးနေသူတွေကို ငါတို့လည်းဝိုင်းဝန်းကူညီကြပါစို့။
Subscribe to:
Post Comments (Atom)
0 ဝေဖန်ထားပါတယ်။:
Post a Comment